Romanes

Amende pe angluno than si: Budai Zsanett, kon e Aldi zhuvlyaki romnyi kamlas te avel

2014. május 5. | Forgács Marietta

Ande peske bishe bersha phirel e shukar romani shej, kon bares kamel te kiravel, thaj but kurke pe kodo sas, hoj voj te avla e angluni le Aldi boltake romnyake. Sunusaras, ba na la alosardine le zhene, de vi kade chi bunul, hoj zumadas ando tevevo. Voj kade dikhel pe peste, sar jekh edyseruvno, gavutni shej, kon akanak ande Peshta kerel butyi sar sociologushi. Kathe majna pale trubundas te pinzharel pesko romanipe, de pinzhardas vi bute romane iskiritorenca, makharenca, godyaver manushenca. Loshal peske trajoske, zhukarel hoj inke soske butya trubul te lasharel, kade ande cerra vrama zhal pesko internetosko blogo, kaj romane xabe sikavel ande.

Khatar avilan?

Anda Csongrád medya avilem, muri dej baradas opre mura shtar bershenca majterna aphasa khetane. Von vi akanak pe Mindszent trajon, muri pheny pe Szeged kerel butyi. Sociologia sityilem po universiteto duj-trin bersha, datunchara majfeder ande romane traba kerav butyi, majbutvar pe kodo kamav te zhutij, hoj ande majlashe situacia te trajon le rom. Jekh bersh kerav butyi pe EMMI Parlamentoski Sekreteria, thaj kade hatyarav, hoj kathe mishto than sima.

Anda savo romano gruppo avilan, thaj sar dikhes pe tyiro identitasho?

Me anda jekh rumungro chalado avilem, thaj sar zhaj e vrama majbut del kado mange. Khere jekh cerra korkorri hatyardemma ande mura amala. Kanagodi opre azdem mure vorba, kade kaver jakhenca dikhline pe mande. Pharo sas ande te dikhav kodole romane krisa, so amendar, zhuvlyandar, shejandar zhukaren. Sar ande legmajbut romane gruppura, vi amende majzurale krisa si pe sheja, save misto kado majbutvar ternes zhan romeste, thaj kamen cigne shavoren. Vi le godyaver sheja majbutvar anglunovar o majsigo drom kamen te alosaren. Ke chi sityon, naj ande soste te xutyilen te gindo si, najle lashi butyi, thaj te kamen te kinen manro, atunchi majfeder kales keren butyi.
Chi hatyardem le krisa, chi zhanglem te hatyarav, hoj te jekh zhuvlyi zhaltar peske amalesa te sorakozin, atunchi sostar somasaren. Vaj te sila murshane amala, atunchi sostar dikhen pe late bange jakhenca? Kamlem te sityuvav, so but zhene chi hatyardas. Kana ande telutni shkola phirdem, aba opre avilem, hoj amende majcapenij le krisa. De numa akanak, pala e shkola avilas ande muri godyi, hoj ande shkola varikanak duj klassura sas, jekh le gazhenge shavorenge, thaj o kaver o „C klasso” apala le chorre shavorenge, amenge. Sityaren amen pe kodo, hoj te na gindinas, tena patyas sogodi, so von phenen.
Pala kado ando forosko legmajlash mashkarutni shkola shaj sityilem majdur, kade hoj me simas e angluni, kon vi avri phendas, hoj rom. Sas jek-duj kasave sityara kastar darajlem, de vi lenca pala skurto vrama mishto avri avilem.

O universitato aba nas pharo, kothe kodo shaj sityilem, so interesno sasma, thaj dikhlem, hoj maj shaj hasnij, lasho zhanglipe so kothe shunav, kade vi majsigo sityilem sogodi.

Thaj pala kodo chi ashilan khere. Sostar gelantar kesave dur?

Kathe sima butyi, ba lasho avlas te ande gav te avos. Dulmut majfeder na romane amala sasma, kasa vi akanak malyadyuvav. Akanak aba zhanav so nas ande muro trajo: ekh ketcavo romano gruppo, kaj pale shaj resav palpale kaj mure rikiti. Rodem mure romano identitashi: o romano makhipe, literatura, majfeder te pinzharav e romani muzhika, thaj kade hatyardem, hoj varisosko neve, lashe trabako kotor kerdyilem vi me.

Pe stereotipia numa lokes zhanas te lasharas. Pa jekh zheno, po kaver zheno. Kamos te patyav ande kodo si les ertelmo, hatyaripe, hopj rakhadyilam, thaj patyav, hoj kadales trubunos te sikavav minerl majbut zhenenge, hoj chaches so si romane zhuvlyake te avas. Chi trubul le stereoitipi, ke chi sam chi majbut, chi majcerra, sar kever zhene. Lokes trubuj opre te dyinas o rasszizmushi.

Sostar dan ande tyiri hertijja ando tevevo, pe Aldi-zhuvlyako adresso?

Bares kamav te kiravav, thaj fajindas vi kodo, hoj e Aldi sakodyeski, chache zhuvlyanca kamel te kerel butyi. Ande reklamura so shaj dikhas super zhuvlya, kodi ande chachi luma naj, chi zhuvel. Kade vi mure kampanyoski slogeno kodo sas, hoj chi trubuj kanagodi le legmajlasheske te avasa.

So zhukardan pestar, thaj khatar kado versenyo?

Sar dikhlem, o orpe akharipe, inke pe kodo dyes ande dem mure hertijji. De zhanglem, hoj but zhene avla, kade chi zhukardem, hoj ketcavo lasho reakciovo avla. Thaj pala jekh cerra vrama avilas jekh telefono, hoj te zhav po castingo. Pala kado aba patyajlem, hoj sima shanso. Pala o kastingo le producerura phendine mange, hoj hajkam ande avo ande 12 legmajlashe. Atunchi inke 16 zhene sas, thaj bares darajlem, ke nasul sas hoj avri shaj perav. De nashtig vorbindemas pa kado, ke sasma jekh kontraktushi, hoj khanikaske nashtig vorbij pa o vershenyo. Loshav, hoj ande simas ande kado mushori, ke o khelipe lasho sas, shukar sas perdal te trajuvav kadale traba.

Zhangline, hoj romani shej san? Thaj loshasas pe kodoleske, te vi pe tute opre dikhenas le romane terne?

Kana inke 16 zhene sas ando vershenyo, phirdas mande jekh cego, so le reklamura kerdas. Inke angla o maladyipe ande muri godyi avilas, hoj hajkam chi line sama, hoj me romani shej sim, kade phendem lenge. Ekh cerra chudisajline, de chi kerdine anda kado gindo. Thaj vi me hatyardem, hoj nas pushipe, hoj me ungriko, vaj romani shej sim, ke atunchi chi na avilemas ande ande 12 legmajlashe. Ande muro cigo filmo – pala lungo gindisaripe – chui shuttam ande kodo jekh-duj vorba, hoj me romani zhuvlyi sim. Le shtabosa ande kodo ashilam, hoj na pa kado vorbij, ke ando reklamo kado naj fontosho. Vi me butvar gindindemas aba pe kodo, hoj kesavo lasho avla, te majbutvar shaj dikhlamas romane zhenen ando tetevo, thaj na misto le romane trabi. Jekh-duj bershesa angala kado chi gindindemas, hoj kadi zhuvlyi vi me shaj avos, de akanak loshajlemas, te me avilemas e angluni ando vershenyo.

Nasul tyiri voja, ke avri pelan?

Na! Sostar? Bares loshav kodoleske, hoj ande kado kampanyi shaj simas. Nevi butyi sas mange, so dikhlem, so perdal trajindem, thaj bares but kamipe, zhutipe dine mange. Te angluni avilemas, atunchi kodo aba o bunuso avilasas.

So kames te keres maj pala kado?

Vi majdur kamav but te kiravav, de chi patyav, hoj me varikanak maj anda kado zhanav te trajuvav. Kodo kamos, te hatyaros, hoj mure xabenca losh zhanav ande te ingrav amare amalengo trajo. karing dopash bersh mura amalicasa kehatane,  Tonté Barbarása jekh romani xabesko blogo kamas te irkirisaras. Aba vi tela o Aldi-kampanyo kemlen te zhala, de kadi butyi khetane rakhlem avri mura amalaicasa, kade, nashtig kerdem. Vi ande muro dyi trubuj te zuravavma, ke but zhene anglunovar hajkam chi hatyarena, hoj maj pa soste iskirindam. Na numa tele kamas te iskirisar le receptura, tena vi kodo kamas, hoj shaj te ural amari fantazia, thaj te reformalin le xabe.

Fajol tuke e media, kames ande media te keres butyi?

Dulmut chi kamlem angla majbut zhene te vorbij, thaj kana avri zhanglem, hoj ande 12 majlashe sim, majbutvar pushlem mandar, hoj sostar alosardem ando mushoro. Baba majmishto hatyarav, hoj chi trubuj te daras kado, thaj aba vi palaplae zhanav te dikhavma ando tevevo, de inke kadi phari, ke bares kritikushi sim, vi manca.

Si kesave romane terne, kon kamen te sikavenpe, hoj so zhanen te ersen ando trajo, de naj pasha kado dosta zor.

Chi me chi sim majbut, vaj majlashi, sar von. Kasgodekse te avla planura, so kamen te resen ando trajo, thaj kadale te na muken, vi atunchi te phares zhanen te keren. Vi tela o Aldi-kampanyo, thaj majbutvar ande muro trajo opre avilem, hoj numa jekh zheno si, kon tele trubuj te pizdav. Man. Mure dar. Thaj akanak nashtig avos kathe, te muri familia, mure amala chi zhutinenas mange ande phare situacia, ande phare minuti.

So avel ande tyiri godyi, hoj sikero?

But butyi, thaj zor.

Te chi zhal variso?

Numa kodo chi zhal, so vi kade hatyaras.

Feminizmusho?

Bares but stereotipia phnden kaj o feminizmusho, de mange kaver: hoj shaj te mukas o uzho alosaripe kasgodeske, hoj te chi trubule pe kaver zhenen te dikhas.

Soskoj- jekh zhuvlyako trajo?

Phari butyi hoj chachi romani zhuvlyi te ashuvav, mashkar le dulmutane tradiciovura, thaj mashkar e nyevi phari luma.

Familija?

Inke zhukarav kadalasa, de maj bares kamos.

Si kesavo, so inke chi zhanglan te gindis pa tute? So zhanes te reses ande tyiro trajo?

Hoj ande tevevoske reklamura avo, – te numa zhi duj kurke – chikana chi gindindemas. Kodo gindij, muro generaciovo kodo, savo kodo patyajlas, hoj kana 25 bershengi avla, aba zhanel so kamel te kerel ande pesko trajo. Me numa akanak jekh traba zhanav, ho jso kamav te kerav. But-but sogodi avri zumadem aba, thaj akanak mishto hatyaravma, vi ande murri butyi, vi ande muro hobbivo. Zumavav sama te lav le nyeve shajipe, thaj loshasa te kerav sako butyi.

További cikkek a rovatból
Vorbisaripe Bordás Péter basszusgitaroshosa, kon jekh tashkasa pihrdas ande o Franciako them. Vorbisaripe Bordás Péter basszusgitaroshosa, kon jekh tashkasa pihrdas ande o Franciako them.
Muro papo primashi sas. Karing panzh bershengo somas, kana dasma jekh shukar cigni lavuta, ke kodo sas muro orokshego. Muro phral las, thaj inke pe kodo dyes mardas pe muro shero. Sar von phendine, but kerdine misto le zhenenge… - phenel lashe vojasa Bordás Péter basszusgitároshi, kana kodo pushelm, so xutyildas peske nepostar. – Kade, palpale te dikhav, vi me kade gindij. No, so te phanav inke pa mande? Akanak chaches pa kodo vorbij tuke, hoj kaj rakhadyilem, thaj kade majdur?
Zibano ande khanci Zibano ande khanci
Sas jokhvar jekh cigno grupporo, kon ande bari butyi linepe. Kodo gindinde, pa kdo virbina maj – khelipesa te sikaven -, pa soste le legmajbut zhene chi vorbon, vaj chi na zhanen khanchi pe kadi traba. Pa but thana avile kodol zhene, save rom, ungro, biboldo, khelara, gilyara, shavora khetane xutyildine, hoj po holokauszt (= porrajmos – le romen butyako- thaj xasajipesko legeri ingerdine) te seronpe.
Pala lende mukline o telepo
Tela efta bersh karing deshupanzh miji romengi situacia kerdyilas majlashi nais le teleposko opre dyinipesko programoske. Pe majbut than, kaj shtartolindas, le gazhe chi dikhline vojasa. Vi kado sas ande Tolna thaj ande Baranya medya, de sar gelas e vrama le gazhe majpalal avri aviline le romenca ande kadal gava.
Butyi thaj marno! Butyi thaj marno!
Bohkajipesko zhalipe shtartolindas khatar e Mishkolca zhi o Parlamento phujatar ande soste chorre, bokhale bibutyenge manusha zhan. Kaj o gruppo majbut foroske raja tordyindas kothe, kade phendine avri, hoj vi von kamen te boldaren o trajo. Misto le adovura phares trajon le cegura, thaj butyi naj ande le chorre gava.
“Pala shel bersh avla majlasho kodol kampanyi, so akanak keren angla o diskriminaciovo“ “Pala shel bersh avla majlasho kodol kampanyi, so akanak keren angla o diskriminaciovo“
Andi oficija, kaj o Ciprian Necula kerel butyi, pe sako than si variso andi soba: kucha, hajina, notebook, lyuvava, thaj but-but dulmutane trabi. “nashtig pav kathe thuvali” – phenel sar beshel kaj e mesalya, thaj peski faca buzhangli asajimo si. Pala kado sigo opre lel jekh lyuvava, thaj lelpe the phabarel. Pe pesko gad o Gogol Bordello si, na ande rajkane gada si opre urade. Sar kothe beshel le manusheske voja avelé te vorbisarel lesa.
Trajo ande murmunci Trajo ande murmunci
Andej Amerika pe kadal dyesa anda dudum kerde lampa, guglenca, thaj mashkara si. Amenda apal ande le zhene aven thaj zhan ande murmunci, memelyi phabaren, thaj duma den pa amare mule. Pinzharde rom pushlam, hoj lenge so jelentij le mulengo dyes, thaj kipura, muzhika, thaj filmosko kotor imbisaras.
Romani shtrategia thaj csehicko gruppo
Pala Balog Zoltán politikusheske bare vorba lashi muzhika shaj ashundam khatar jekh csehicko grupo, khatar o Gipsy.cz. Vi shaj zhanglamas, hoj ando Csehicko them chi kamen e romani muzhika, de vi kade o legmajfavoritno gruppo ande pengo them.
Blogok
Nótár Ilona blogja
És változunk Idősíkok között
Bogdán Péter blogja
Megmaradunk egymásnak örökre! Egy kisvárdi jány

Támogassa a Sosinet.hu-t!
Ajánló
1/3
Kövess minket
Partnereink
Támogatóink